Մարտունիում և նրա հարակից բնակավայրերում, Ասկերանի շրջանի Խնածախ և Այգեստան համայնքների տարածքում, փետրվարի 1-ին զենք-զինամթերքի վնասազերծման աշխատանքներ են նախատեսվում: Այս մասին տեղեկացնում են Արցախի Հանրապետության ներքին գործերի նախարարության արտակարգ իրավիճակների պետական ծառայությունից:
«Օրվա ընթացքում «Հումանիտար ականազերծման կենտրոն» հիմնադրամն իրականացնելու է հանրապետության տարածքում հայտնաբերված չպայթած զինամթերքի վնասազերծման աշխատանքներ: Արտակարգ իրավիճակների ծառայության սակրավորական ջոկատները հետախուզական աշխատանքներ են նախատեսում Մարտակերտ քաղաքում, Վարնկաթաղ գյուղում և հարակից բնակավայրերում: Հնարավոր են նաև պայթեցման աշխատանքներ: Լրացուցիչ տեղեկությունների համար գործում են 6133 և 911 կարճ հեռախոսահամարները»,-հայտնում են ծառայությունից:
