09.06.2026 | 23:19
Կանանց Հայաստանի հավաքականը 0:6 հաշվով պարտվեց Բելառուսին. ՏԵՍԱՆՅՈՒԹ
Իրանում վերջին 6 ամսվա ընթացքում 2-րդ ըմբշամարտիկին են մահապատժի ենթարկել
Քաղաքականություն
29.01.2021 | 14:11
Իրանում մահապատժի է ենթարկվել ըմբշամարտիկ Մեհդի Ալի Հոսեյնին, որին մեղավոր են ճանաչել 2015 թվականին փողոցային ծեծկռտուքի ընթացքում կատարած սպանության համար։ Այս մասին հայտնում է bloodyelbow.com-ը՝ հղում կատարելով Իրանի Ազգային դիմադրության ճակատին։
Ի պաշտպանություն Հոսեյնիի հանդես են եկել 2012 թվականի Օլիմպիական խաղերի հունահռոմեական ոճի ըմբիշ Համիդ Սորիյան ու մի քանի այլ իրանցի ըմբիշներ, սակայն դատավճիռը թողնվել է ուժի մեջ, քանի որ զոհի ընտանիքը հրաժարվել է ըմբիշին ներման հնարավորություն ընձեռել։
Հունահռոմեական ըմբշամարտի միջազգային ֆեդերացիան (UWW) Հոսեյնիի մահապատժի վերաբերյալ հայտարարությամբ է հանդես եկել։ «Այս պահի դրությամբ խոսքը գնում է բացառապես քրեական գործի մասին՝ առանց սպորտային բաղադրիչի։ Մենք պարզել ենք, որ Մեհդի Ալի Հոսեյնին եղել է տարածաշրջանային մակարդակի մարտիկ, նա չի մասնակցել ազգային կամ միջազգային մակարդակի մրցումների։ UWW չի մեկնաբանի այս միջադեպը, քանի դեռ հստակ պատկերացում չունի իրավիճակի մասին»,- ասվում է հայտարարության մեջ։
Հիշեցնենք՝ 2020 թվականի սեպտեմբերին Իրանում մահապատժի էր ենթարկվել հունահռոմեական ոճի ըմբիշ Նավիդ Աֆկարին։
Տաթև Ֆռանգյան
