11.09.2026 | 15:27
ԵՄ հատուկ ներկայացուցիչը կայցելի Հայաստան
Գերիների հարցով քննարկում ենք դիմել Հռոմի պապին. Ամենայն Հայոց կաթողիկոս. ՏԵՍԱՆՅՈՒԹ
28.01.2021 | 10:55
«Մենք բոլոր ջանքերն այդ ուղղությամբ գործադրում ենք»,- այս մասին այսօր՝ հունվարի 28-ին, «Եռաբլուր» զինվորական պանթեոնում լրագրողների հետ զրույցում ասաց Ն.Ս.Օ.Տ.Տ. Գարեգին Բ Ամենայն Հայոց Կաթողիկոսը՝ անդրադառնալով հհայ ռազմագերիների փոխանակման հարցին:
Հարցին՝ հնարավո՞ր է այդ հարցով դիմել Հռոմի Պապին, Վեհափառը պատասխանեց. «Մենք ինքներս քննարկում ենք այդ հարցը և պատշաճ քայլեր ենք ձեռնարկում»։
Անդրադառնալով թշնամու կողմից եկեղեցիների պղծմանը՝ կաթողիկոս դատապարտեց այդ երևույթը. «Ջանքեր գործադրում ենք, որպեսզի նաև միջազգային հանրությունը ևս իր դատապարտության խոսքն ասի այդ երևույթների առնչությամբ։ Այս առումով մենք մեր գնահատանքն ենք արտահայտում Ռուսաստանի Դաշնության իշխանության, ինչպես նաև Ռուս Ուղղափառ եկեղեցու պետին այն զորակցության համար, որ հնարավոր դարձավ, որպեսզի Դադիվանքն այսօր շարունակի իր ծառայությունը»։
Հարցին՝ արդյո՞ք հայոց պետականությունը կորցնելու վտանգի առաջ ենք կանգնած ենք, կաթողիկոսն ասաց. «Աստված մի արասցե, ռիսկեր միշտ էլ կան։ Մենք հավատում ենք, որ մեր ժողովրդի խոհեմ, իմաստուն ընթացքով և հայրենանվեր աշխատանքով նման վտանգները կհաղթահարվեն»։
