26.04.2026 | 15:53
Վթարային ջրանջատում Արմավիրի և Կոտայքի մարզերում
Սենատը հաստատեց Բլինքենին պետքարտուղարի պաշտոնում
Քաղաքականություն
26.01.2021 | 22:50
ԱՄՆ Սենատը հաստատել է նախագահ Ջո Բայդենի կողմից պետքարտուղարի պաշտոնում առաջադրված Էնթոնի Բլինքենին. գրում է ՏԱՍՍ-ը:
Նրա թեկնածությանը կողմ է քվեարկել 78 սենատոր, դեմ՝ 22-ը։ Առաջիկայում 58-ամյա Բլինքենը կստանձնի պաշտոնը։
Բլինքենը ծնվել է 1962 թ.-ին Նյու Յորքում՝ հրեայի ընտանիքում։ Բիլ Քլինթոնի նախագահության օրոք նա աշխատել է ազգային անվտանգության խորհրդում, եղել նախագահի հատուկ օգնականը արտաքին քաղաքական հարցերում։ 2002-2008 թթ.-ին Բլինքենը ղեկավարել է Սենատում Դեմոկրատական կուսակցության արտաքին գործերի կոմիտեն։ 2009 թ.-ին երբ Օբաման դառնում է նախագահ, Բլինքենը զբաղեցնում է փոխնախագահ Բայդենի անվտանգության հարցերով խորհրդականի պաշտոնը։
2015-17 թթ.-ին եղել է այն ժամանակվա պետքարտուղար Ջոն Քերիի տեղակալը։
Հիշեցնենք, որ Բլինքենը մինչ այս գրավոր հաստատել էր, որ աջակցելու է ԱՄՆ կողմից Հայաստանում ու Լեռնային Ղարաբաղում շարունակվող մարդասիրական ճգնաժամի կարիքները հոգալու համար ֆինանսավորմանը։ Նա նաև հավելել էր, որ «Լեռնային Ղարաբաղում վերջերս գրանցված ռազմական գործողությունների ֆոնին մեր վարչակազմը կվերանայի Ադրբեջանին հատկացվող անվտանգության աջակցությունը»։
