01.11.2026 | 21:01
Սարգիս Ստեփանյանը՝ հինգերորդ անգամ աշխարհի չեմպիոն
Չինաստանի ԱԳՆ-ն տեղեկություն չունի չին-հնդկական սահմանին գրանցված բախումների մասին
Քաղաքականություն
25.01.2021 | 15:05
Չինաստանի արտգործնախարարությունը չին-հնդկական սահմանին զինվորականների միջև գրանցված բախումների մասին տեղեկություն չունի։ Այս մասին երկուշաբթի օրը կայացած բրիֆինգի ժամանակ հայտարարել է ՉԺՀ ԱԳՆ ներկայացուցիչ Չժաո Լիցզյանը, գրում է ՏԱՍՍ-ը։
«Ես այդ հարցի վերաբերյալ տեղեկություն չունեմ»,- հայտարարել է ՉԺՀ ԱԳՆ ներկայացուցիչը։
«Մենք կոչ ենք անում հնդկական կողմից ևս աշխատել այս ուղղությամբ և խուսափել գործողություններից, որոնք կարող են բերել սահմանի երկայնքով իրավիճակի սրման ու բարդացման»,- նշել է դիվանագետը։
Նա նաև հույս է հայտնել, որ երկու կողմն էլ բոլոր անհրաժեշտ քայլերը կձեռնարկի սահմանամերձ շրջաններում խաղաղության ու կայունության ապահովման համար։
Ինչպես արդեն հայտնել էինք, այսօր տեղեկություններ էին տարածվել այն մասին, որ Հնդկաստանի ու Չինաստանի սահմանապահ ուժերի միջև բախումներ են գրանցվել Հնդկաստանի հյուսիսային Սիկիմ շրջանի Նակու-Լա քաղաքում։
Տաթև Ֆռանգյան
