07.06.2026 | 00:08
Ձերբակալվել է Բյուրական համայնքի նախկին ղեկավար Զարզանդ Գրիգորյանը
Հակակոռուպցիոն և վերաքննիչ հակակոռուպցիոն դատարաններ ստեղծելու նախագիծն ընդունվեց առաջին ընթերցմամբ
Քաղաքականություն
19.01.2021 | 11:02
ՀՀ ազգային ժողովն առաջին ընթերցմամբ ընդունեց հակակոռուպցիոն և վերաքննիչ հակակոռուպցիոն դատարաններ ստեղծելու օրենսդրական փաթեթը:
Կառավարության ներկայացրած փաթեթը խորհրդարանի հունվարի 19-ի նիստում ընդունվեց 85 «կողմ», 18 «դեմ» և 3 «ձեռնպահ» ձայներով:
Նախագծերի փաթեթով առաջարկվում է ստեղծել հակակոռուպցիոն և վերաքննիչ հակակոռուպցիոն դատարաններ, ինչի արդյունքում կապահովվի կոռուպցիոն բնույթի գործերով մասնագիտացված քննությունը, ըստ այդմ` նպաստելով կոռուպցիայի դեմ իրականացվող պայքարի արդյունավետության աստիճանի բարձրացմանը: Առաջարկվում է մինչև 2021 թվականի հունվարը ստեղծել մասնագիտացված հակակոռուպցիոն դատարան՝ առնվազն 25 դատավորի թվակազմով, որոնցից 20-ը կքննեն կոռուպցիոն հանցագործությունների վերաբերյալ գործերը, իսկ 5-ը՝ «Ապօրինի ծագում ունեցող գույքի բռնագանձման մասին» օրենքի հիման վրա ներկայացված դիմումներից և հայցապահանջներից բխող գործերը։
Հակակոռուպցիոն դատարանի և Վերաքննիչ հակակոռուպցիոն դատարանի դատավորների համար, այլ դատավորների համեմատությամբ, նախատեսվելու է նաև ավելի բարձր աշխատավարձ: Ծրագրվում է նաև ստեղծել տեղական և միջազգային փորձագետներից կազմված խումբ, որը հնարավորություն կունենա հարցեր հղել հակակոռուպցիոն դատարանի դատավորի թեկնածուներին և անկախ դիտորդի կարծիք տրամադրել։
Օրենքի նախագծով նախատեսվում է ստեղծել նաև մասնագիտացված վերաքննիչ հակակոռուպցիոն դատարան:
