01.05.2024 | 10:32
Այս տոնը ևս մեկ առիթ է ընդգծելու յուրաքանչյուր անձի աշխատանքային իրավունքները պաշտպանելու կարևորությունը․ ՄԻՊ
ԱՆ-ն երկու օրում 600 մլն դրամ է ծախսել COVID-19-ի դեմ պայքարի համար
Տնտեսություն
15.01.2021 | 19:46
Կառավարությունն Առողջապահության նախարարությանը COVID-19-ի կանխարգելման, վերահսկման, բուժման և այլ համալիր միջոցառումների իրականացման նպատակով 2021 թվականի առաջին եռամսյակում 2 միլիարդ 550 մլն դրամ կհատկացնի: Գումարը կտրվի Կառավարության պահուստային ֆոնդից:
Կառավարության որոշումից տեղեկանում ենք, որ 600 մլն դրամը նախատեսվում է օգտագործել 2020 թվականի դեկտեմբերի 30-ին և 31-ի կատարված ծախսերը փոխհատուցելու նպատակով: Մյուս՝ 1 մլրդ 950 մլն դրամը նախատեսվում է օգտագործել 2021 թվականի հունվարի համար անհրաժեշտ ձեռքբերումների դիմաց վճարումները պատշաճ իրականացնելու նպատակով:
Որոշման հավելվածից էլ հայտնի է դառնում, որ նշված 600 մլն դրամով վճարվել է դեկտեմբերի 30-31-ի դրությամբ վերապրոֆիլավորված բժշկական կենտրոններին մատակարարված ապրանքների, ծառայությունների, ինչպես նաև շինարարական աշխատանքների կատարման դիմաց ձևակերպված կրեդիտորական պարտք:
1 մլրդ 450 մլն դրամը հատկացվելու է կորոնավիրուսային հիվանդություններ բուժող ԲԿ-ներին՝ միայն հունվարի ծախսերի համար: 100 միլիոն դրամի ձեռք են բերվել եռաշերտ դիմակներ, ձեռնոցներ, արտահագուստ, սպիրտ, ինչպես նաև այլ պարագաներ: Մասնավոր ԲԿ-ների դեղորայքային ծախսերի համար հատկացվել է 150 մլն դրամ, ևս 250 մլն դրամի էլ դեղորայք է ձեռք բերվել:
Նարեկ Կիրակոսյան
