11.10.2026 | 23:33
Հակոբ Շարբաթյանը՝ բռնցքամարտի Եվրոպայի Մ-17 չեմպիոն. ՏԵՍԱՆՅՈՒԹ
Առ այսօր հայտնաբերվել են 1222 զինծառայողի և քաղաքացիական անձանց աճյուններ. Հունան Թադևոսյան
12.01.2021 | 12:06
Հադրութի Վարդաշատ գյուղում՝ 1 քաղաքացիական անձի, իսկ Ասկերանի վերին ենթաշրջանի (Սղնախ), Ջաբրայիլի և Հադրութի ուղղություններում հայտնաբերվել են 10 զինծառայողի աճյուն: Այս մասին «Factor TV»-ին փոխանցեց Արցախի արտակարգ իրավիճակների պետական ծառայության տեղեկատվության և հասարակայնության հետ կապերի բաժնի պետ Հունան Թադևոսյանը:
Նրա խոսքով՜ քաղաքացիական զոհված անձը տարեց մարդ է, ում մարմինը գտել են տանը: Զոհվածի ինքնությունը հայտնի է. հարազատները ճանաչել են: Քաղաքացու զոհվելու հանգամանքները պարզելու նպատակով նշանակվել է դատաբժշկական փորձաքննություն։ Իսկ զոհված զինծառայողների մարմինները հայտնաբերվել են մարտական դիրքերի հատվածներում:
«Ընդհանուր առմամբ՝ առ այսօր որոնողական աշխատանքների արդյունքում հայտնաբերվել են 1222 զինծառայողի և քաղաքացիական անձանց աճյուններ: Այսօր երեք խումբ որոնումները շարունակելու են մարտական գործողությունների Հադրութի, իսկ մեկ խումբ՝ Ֆիզուլու և Ջաբրայիլի հատվածներում»,- ավելացրեց Թադևոսյանը:
