17.09.2026 | 10:51
ՍԴ դատավորների հավելավճարների համար կառավարությունը 38.9 մլն դրամ կհատկացնի
Թրամփը հայտարարել է, որ կենտրոնանալու է Բայդենին իշխանությունը փոխանցելու վրա
Քաղաքականություն
08.01.2021 | 13:04
Միացյալ Նահանգների ներկայիս նախագահ, հանրապետական Դոնալդ Թրամփը հայտարարել է, որ մոտ ժամանակներս կենտրոնանալու է դեմոկրատ Զոզեֆ Բայդենին իշխանությունը փոխանցելու վրա, բայց խոստացել է հետագայում ևս շարունակել իր քաղաքական արշավը: Ամերիկացի առաջնորդի տեսաուղերձը տեղադրվել է նրա թվիթերյան էջում:
«Կոնգրեսը վավերացրել է արդյունքները, նոր վարչակազմը կսկսի իր աշխատանքը հունվարի 20-ին: Այժմ իմ ուշադրությունը կենտրոնացած է իշխանության սահուն, կարգավորված և անցավ փոխանցման վրա։ Այժմ անհրաժեշտ է ապաքինում և հաշտեցում», – ասել է նա՝ շեշտելով, որ անհրաժեշտ է պահպանել հանդարտություն, առաջ շարժվել ու զբաղվել ԱՄՆ գործերով։ Թրամփի խոսքով՝ իր շտաբն ամեն բան արել է ընտրությունների արդյունքները չեղարկելու ու ձայների արդար հաշվարկ ապահովելու համար։
«Այդ անելով ես պայքարում էին այն բանի համար, որպեսզի պաշտպանեմ ամերիկյան դեմոկրատիան։ Ես շարունակում եմ համոզված լինել, որ մենք պետք է բարեփոխենք ընտրական օրենսգիրքը, որպեսզի ապահովենք հավատն ու վստահությունն ապագա ընտրությունների հանդեպ»,- նշել է նա։
ԱՄՆ նախագահը նաև նշել է, որ հասկանում է իր կողմնակիցների հիասթափությունը, սակայն խոստանում է շարունակել իր քաղաքական արշավը։ Թրամփը նաև քննադատել է Վաշինգտոնի կենտրոնում անկարգությունները, որոնց ընթացքում իր կողմնակիցները ներխուժել էին Կոնգրեսի շենք, ու խոստացել է, որ բոլոր օրինախախտները պատասխանատվության կենթարկվեն։
Տաթև Ֆռանգյան
