27.10.2026 | 23:30
Հայաստանի, Ադրբեջանի և Վրաստանի դեսպանները քննարկել են Հարավային Կովկասի խաղաղության և կայունության ամրապնդման հարցերը
ՊՊԾ պետի՝ քաղաքացուն խփելու դեպքը կուսումնասիրվի ԱԱԾ-ի կողմից. ԱԱԾ
Հասարակություն
29.12.2020 | 15:47
Երեկ Երևանում՝ Ազգային ժողովի մոտ տեղի ունեցած միջադեպի վերաբերյալ Ruptly-ը հրապարակել է տեսանյութ, որտեղ երևում է, թե ինչպես է Ազգային անվտանգության ծառայության Պետական պահպանության ծառայության նորանշանակ ղեկավար Սարգիս Հովհաննիսյանը ոտքով հարվածում ակցիայի մասնակիցներից մեկին (տեսանյութի 13-րդ վայրկյանին)։
Միջադեպի առնչությամբ Factor.am-ը պարզաբանում խնդրեց ԱԱԾ մամուլի կենտրոնից, որտեղից փոխանցեցին հետևյալը. «Ձեր կողմից տրամադրած տեսանյութում Սարգիս Հովհաննիսյանի գործողությունները կուսումնասիրվեն, և եթե հայտնաբերվեն հիմքեր, ապա ԱԱԾ-ի կողմից կձեռնարկվեն համապատասխան ընթացակարգեր»։
Հիշեցնենք՝ հինգ օր առաջ վարչապետ Նիկոլ Փաշինյանի առաջարկությամբ և նախագահ Արմեն Սարգսյանի հրամանագրով՝ Սարգիս Հովհաննիսյանը նշանակվել է ՀՀ ԱԱԾ պետական պահպանության ծառայության պետ:
Նարեկ Կիրակոսյան
