03.05.2024 | 16:38
Ուսուցչի հերթական ատեստավորումը կիրականացվի մասնագիտական կարիքի հարցաթերթերի միջոցով՝ գնահատմամբ
Փաշինյանի հետ հանդիպելու օրակարգ չունենք. Գևորգ Գորգիսյան. ՏԵՍԱՆՅՈՒԹ
Քաղաքականություն
29.12.2020 | 14:07
«Փաշինյանն օրեր առաջ հայտարարել էր, որ հանդիպումներ է նախատեսում։ Բայց մենք մեր օրակարգում չունենք արտահերթ ընտրություններ անցկացնելու հարց, մենք պահանջում ենք Նիկոլ Փաշինյանի հրաժարականը»,- ԱԺ-ում այսօր լրագրողների հետ զրույցում ասաց ԱԺ «Լուսավոր Հայաստան» խմբակցության պատգամավոր Գևորգ Գորգիսյանը։
Նրա խոսքով՝ ԼՀԿ-ն ուզում է, որ ստեղծվի պրոֆեսիոնալների կառավարություն, երկրում ստեղծված իրավիճակը կայունանա, որից հետո միայն գնալ արտահերթ ընտրությունների։
«Կառավարութունն այժմ նույնիսկ պատգամավորների անվտանգությունը չի կարողանում ապահովել, ուստի անիմաստ է արտահերթ ընտրությունների մասին խոսելը։ Այն քաոտիկ վիճակը, որ կա երկրում, այդ իրավիճակում արտահերթ ընտրությունների անցկացումը վտանգավոր է երկրի անվտանգության համար։ Երեկ ինչ եղավ ԱԺ շենքի դիմաց, կարող է կրկնվել ամեն համայնքում և դա ուղղակի անվերահսկելի կլինի»,- նշեց պատգամավորը։
Գորգիսյանն ընդգծեց, որ իրենց օրակարգում նախատեսված չէ հանդիպում Նիկոլ Փաշինյանի հետ։ «Մենք մերժել ենք վարչապետի հանրային կերպով արված առաջարկը՝ արտահերթ ընտրություններ անցկացնելու վերաբերյալ»,- նշեց Գորգիսյանը։
Մանրամասները՝ տեսանյութում:
