17.09.2026 | 15:58
Երթևեկության կազմակերպման փոփոխություն՝ Անտոն Քոչինյան փողոցում
Մեկ օրում 488 փախստական է վերադարձել Լեռնային Ղարաբաղ․ ՌԴ ՊՆ
Քաղաքականություն
24.12.2020 | 11:28
Մեկ օրում ավտոբուսներով Երևանից Ստեփանակերտ է տեղափոխվել 488 փախստական: Ավտոբուսներն ուղեկցվել են Ռուսաստանի խաղաղապահ զորախմբի և ռազմական ոստիկանության պարեկների կողմից: Այս մասին հայտնում են ՌԴ ՊՆ-ից։
Տեղեկացվում է, որ ընդհանուր առմամբ Լեռնային Ղարաբաղում իրենց բնակության մշտական վայրեր են տեղափոխվել ավելի քան 43 հազար փախստական։ Նշվում է, որ Ռուսաստանի խաղաղապահ զորակազմի զինծառայողները ապահովում են քաղաքացիների անվտանգ վերադարձը իրենց մշտական բնակության վայրեր, տրամադրում են մարդասիրական օգնություն և վերականգնում են քաղաքացիական ենթակառուցվածքները:
Հիշեցնենք՝ ՌԴ-ն իրավիճակի շուրջօրյա հսկողություն է իրականացնում քսաներեք դիտակետերում:
Տաթև Ֆռանգյան
