Քաղաքականություն
23.12.2020 | 15:15Այդ կինը իմ հորաքույրը չէ: Այս մասին ասյօր ԱԺ-ում լրագրողների հետ զրույցում ասաց «Իմ քայլը» խմբակցության պատգամավոր Կարեն Համբարձումյանը՝ անդրադառնալով մամուլի հրապարակումներին այն մասին, թե Փաշինյանին փրկիչ անվանած կինն իր հորաքույրն է:
«Ես երեք հորաքույր եմ ունեցել, փոքրը՝ մահացել է, մեծ հորաքույրս Երևանում է, մյուսը՝ Սիսիանում: Իմ մեծ հորաքույրը՝ 75 տարեկան, Երևանից գնացել էր Սիսիան՝ սգո երթին մասնակցելու և իր հարգանքի տուրքը մատուցելու մեր զոհերի հիշատակին, ես տեղյակ չեմ եղել, հետո եմ իմացել, մյուս հորաքույրս Սիսիանում է: Բայց այդ կինը իմ հորաքույրը չէ, ես ընդհանրապես այդ տիկնոջը չեմ ճանաչում: Երբ աղմուկ բարձրացավ, խնդրել եմ նկարն ուղարկեն՝ տեսնեմ՝ ծանոթ եմ, թե չէ»,- ասաց պատգամավորը:
Պատգամավորը նաև նշեց, որ այդ օրը հավաքի կազմակերպչական աշխատանքներ չի կատարել, Սիսիան է մեկնել այդ օրը՝ գիշերը 2-ին, երբ հնարավոր չէր որևէ բան կազմակերպել:
Մանրամասները՝ տեսանյութում:
