17.09.2026 | 13:10
«Հույսը ծրագիր չէ»․ ՄԹ դեսպանը՝ Հայաստանի անվտանգության և դիմակայունության մասին․ ՏԵՍԱՆՅՈՒԹ
ԱՀԿ-ն արտակարգ նիստ կհրավիրի՝ կորոնավիրուսի նոր շտամի հայտնաբերման հետ կապված
Քաղաքականություն
22.12.2020 | 18:37
Առողջապահության համաշխարհային կազմակերպությունը (ԱՀԿ) մտադիր է Եվրոպական տարածաշրջանային բյուրոյում արտակարգ նիստ հրավիրել՝ քննարկելու կորոնավիրուսի նոր մուտացիան, հայտնել է բյուրոյի տնօրեն Հանս Կլյուգեն՝ հավելելով, որ նիստի անցկացման օրը դեռևս որոշված չէ: Նա նշել է, որ այժմ անհրաժեշտ է ավելի շատ տեղեկություններ ստանալ վիրուսի նոր շտամի մասին և նոր սահմանափակումների միջոցով կանխել դրա տարածումը, գրում է DW-ի ռուսական ծառայությունը:
Նշենք, որ ԱՀԿ-ի Եվրոպական տարածաշրջանային բյուրոյի կազմում 53 պետություն կա:
Մինչ այդ, չնայած Մեծ Բրիտանիայում կորոնավիրուսի նոր շտամի հայտնաբերմանը, Եվրոպական հանձնաժողովը մտադիր է խորհուրդ տալ ԵՄ երկրներին՝ չփակել սահմանները։ Բրյուսելը կարծում է, որ անհրաժեշտ է պահպանել տրանսպորտային բեռնափոխադրումները, ընդ որում՝ ԵՄ տարածքով քաղաքացիների տեղաշարժը պետք է հասցվի նվազագույնի։
Հիշեցնենք՝ Առողջապահության համաշխարհային կազմակերպությունն (ԱՀԿ) այսօր ավելի վաղ կոչ էր արել խուճապի չմատնվել։
«Նույնիսկ եթե վիրուսը մի փոքր ավելի արագ է տարածվում, այն դեռ կարելի է կանգնեցնել»,- ընդգծել է ԱՀԿ արտակարգ իրավիճակների համակարգող Մայքլ Ռայանը: Նրա խոսքով՝ իրավիճակը «դեռևս վերահսկողությունից դուրս չի եկել»:
Տաթև Ֆռանգյան
