Քաղաքականություն
22.12.2020 | 11:48«Իմ քայլը» կուսակցությունների դաշինքի Երևան քաղաքի ընտրական ցուցակով ընտրված ավագանու անդամներ Հայկ Ցիրունյանը և Մեսրոպ Պապիկյանը դիմումներ են ներկայացրել ավագանու անդամի լիազորությունները դադարեցնելու: Այս մասին ասաց Երևանի փոխքաղաքապետ Հրաչյա Սարգսյանը:
«Երևանի ավագանու «Իմ քայլը» կուսակցությունների դաշինքի ընտրական ցուցակից ընտրված և լիազորությունները վաղաժակետ դադարած ավագանու անդամներ Արսեն Կարապետյանի, Հայկ Ցիրունյանի և Մեսրոպ Պապիկյանի մանդատները տրվել են հերթական հաջորդ թեկնածուներ Սերգեյ Գյոզալյանին, Վահե Օհանջանյանին և Կարինե Փանոսյանին: Վերջինս դիմում է ներկայացրել ավագանու անդամի լիազորությունները դադարեցնելու մասին»,- հայտնեց Սարգսյանը: Փանոսյանի մանդատը տրվել է հերթական հաջորդ թեկնածու Գևորգ Աճեմյանին:
«Իմ քայլը» խմբակցության անդամներ Էռնեստ Ավանեսովը և Սերգեյ Գյոզալյանը դիմումներ են ներկայացրել խմբակցության կազմից դուրս գալու մասին: Նրանք կշարունակեն ավագանու անդամի իրենց լիազորությունները և համապատասխան հանձնաժողովում աշխատանքները:
