02.11.2026 | 15:48
Իրանը հայտարարել է, որ պատրաստ է երկու օրվա ընթացքում վերաբացել Հորմուզի նեղուցը, եթե ԱՄՆ-ը համաձայնի իր պայմաններին
Փարիզի քաղաքապետը տուգանվել է կանանց ղեկավար պաշտոնների նշանակելու համար
Քաղաքականություն
16.12.2020 | 15:41
Փարիզի քաղաքապետը պետք է 90 հազար եվրո տուգանք վճարի այն բանի համար, որ 2018 թ ղեկավար պաշտոններին երկու անգամ ավելի կանանց է նշանակել, քան տղամարդկանց։ Այս մասին հայտնել է Ֆրանսիայի քաղաքապետ Անն Իդալգոն։
Նա պարզաբանել է, որ քաղաքի ադմինիստրացիայում 11 կին և միայն 5 տղամարդ է ստացել ղեկավար պաշտոն, այսինքն՝ այստեղ կանայք կազմում են 69 տոկոս։
«Քաղաքի աշխատակազմում անսպասելիորեն չափից շատ կանայք են հայտնվել»,- հայտնել է Իդալգոն՝ ելույթ ունենալով քաղաքային խորհրդի նիստին։ Վերջինիս ելույթը հրապարակվել է նրա Twitter-ի էջում։
Քաղաքապետը հայտնում է, որ իր օգնականների, ղեկավարների ու աշխատակազմի մյուս կանանց հետ 90 հազար եվրոյի տուգանքի կտրոնը կտանեն Պետական ծառայության նախարարություն։
«Ակնհայտ է, այս տուգանքը ամբսուրդային է։ Բացի այդ, այն անարդար է, խելամիտ չէ ու վտանգավոր է։ Այո, մենք պետք է վճռականորեն և արդյունավետորեն նպաստենք կանանց առաջխաղացմանը, քանի որ Ֆրանսիայում այս ոլորտում բացը դեռ շատ մեծ է»,- ընդգծել է Իդալգոն։
Ինչպես պարզաբանել է Monde թերթը, խոսքը գնում է պետերի ու նրանց օգնականների պաշտոններին նոր նշանակումների մասին։ Ընդ որում քաղաքապետարանը խախտել է Ֆրանսիայի իշխանությունների 2013 թվականի որոշումը, համաձայն որի՝ մեկ սեռի ներկայացուցիչները չեն կարող զբաղեցնել ղեկավար պաշտոնների 60 տոկոսից ավելին։
Տաթև Ֆռանգյան
