19.01.2026 | 14:34
Եթե ռուս սահմանապահները դուրս գան Ախուրիկի հատվածից՝ հայտարարություն կլինի. Վահագն Ալեքսանյան․ ՏԵՍԱՆՅՈՒԹ
Կարմիր խաչը նախատեսում է ընդլայնել իր ներկայությունը Լեռնային Ղարաբաղում․ ՌԻԱ Նովոստի
Քաղաքականություն
11.12.2020 | 12:29
Կարմիր խաչի միջազգային կոմիտեն (ԿԽՄԿ) նախատեսում է ընդլայնել իր կոնտինգենտը Լեռնային Ղարաբաղում: Այս մասին «ՌԻԱ Նովոստի»-ին տեղեկացրել է Լեռնային Ղարաբաղում Կարմիր խաչի միջազգային կոմիտեի առաքելության մամուլի քարտուղար Էթերի Մուսայելյանը:
«Մենք գնահատում ենք տարածաշրջանի կարիքները, որոնք կարող են պահանջել երկարատև միջամտություն ԿԽՄԿ կողմից։ Մենք ծրագրում ենք մեծացնել անձնակազմի թիվը, որպեսզի հնարավորություն ունենանք ժամանակին ու ադեկվատ արձագանքել հումանիտար պահանջներին, ինչպես նաև սկսել նոր գործողություններ` հիմնվելով կարիքների վերաբերյալ մեր եզրակացությունների վրա»,-ասել է Մուսայելյանը:
Նա նշել է, որ ԿԽՄԿ-ն արդեն արձագանքել է տարածաշրջանում հրատապ հումանիտար պահանջներին՝ տրամադրելով շինանյութ՝ վնասված տները վերանորոգելու համար ու մարդկանց սնունդ, տաքացուցիչ ու հիգիենայի հավաքածուներ բաժանելով։
Տաթև Ֆռանգյան
