17.09.2026 | 20:33
Ալիևը հայտարարել է՝ «եթե ՄԱԿ-ը նորմալ գործեր, ստիպված չէինք լինի ուժով նվաճել մեր տարածքները»
Ալիևը դարձյալ հայտարարել է Հայաստանի տարածքների նկատմամբ հավակնությունների մասին
Քաղաքականություն
10.12.2020 | 18:00
Այսօր Բաքվում տեղի ունեցած ռազմական շքերթի ժամանակ Ադրբեջանի նախագահ Իլհամ Ալիևը կրկին սպառալիքներ է հնչեցրել Հայաստանի հասցեին և հայտարարել տարածքային նկրտումների մասին։ Ալիևը հայտարարել է, թե, իբր, հայերի՝ «ադրբեջանական հողերի օկուպացիոն քաղաքականությունը» 1980-ականներից է սկսվել։
«100․000 ադրբեջանցիներ, որոնք ապրել են Հայաստանի տարածքում, վտարվել են իրենց նախնիների հողերից։ Զանգեզուրը, Երևանն ու Սևանը մեր պատմական հողերն են։ Մեր ժողովուրդը այնտեղ ապրել է դարերով»,- հայտարարել է Ալիևը։
Նրանից հետ չի մնացել նաև Թուրքիայի նախագահը, որը նույնպես մասնակցել է շքերթին։ Էրդողանն ասել է, որ Թուրքիան ու իր ժողովուրդը շարունակելու են հետագայում էլ աջակցել եղբայրական Ադրբեջանին՝ «Մեկ ազգ՝ երկու պետություն» կարգախոսը հնչեցնելով։
Նա հայտարարել է, որ «Ադրբեջանի պատմական հողերի ազատագրումը» չի նշանակում պայքարի ավարտ և քաղաքական ու ռազմական ոլորտներում ջանքերը շարունակվում են։ Թուրքիայի նախագահն իր խոսքում հիշել է նաև Հայոց ցեղասպանության կազմակերպիչներից Էնվեր փաշային։
Էմմա Չոբանյան
