10.09.2026 | 23:04
ԿԳՄՍ նախարարը մանկավարժների հետ ոլորտային հարցեր է քննարկել
ԲՀԿ-ն մոլորեցրե՞ց ընտրողին. ԲՀԿ 3 պատգամավորները փոխվեցին
Քաղաքականություն
30.05.2017 | 15:01
«Ծառուկյան» դաշինքի պատգամավոր Իվետա Տոնոյանը չի բացառում, որ դաշինքի՝ ինքնաբացարկ հայտնած պատգամավորների մանդատները կվերցնեն Գևորգ Պետրոսյանը, Նորա Առուստամյանը և Հակոբ Նազարյանը:
«Այս մասով մեզ համար ամեն ինչ հստակ է, բայց սպասենք ԿԸՀ որոշմանը: Երբ նրանց անունները հայտարարվեն, այդ ժամանակ էլ նրանց կշնորհավորենք»,- ասաց նա:
Ըստ հերթականության՝ Հարություն Ղարագյոզյանին ռեյտինգային ցուցակում հաջորդում է Կարեն Առաքելյանը, իսկ Խաչիկ Մանուկյանին՝ Լյովա Խաչատրյանը, որոնք ևս ինքնաբացարկի դիմումներ են ներկայացրել:
Factor.am-ի հարցին, թե չի ստացվում, որ ԲՀԿ-ն մոլորեցրեց ընտրողներին՝ քանի որ ԲՀԿ-ից այլ թեկնածուներ իրականում շատ ձայներ հավաքեցին ու ընտրվեցին, սակայն ստիպողական հրաժարականների արդյունքում այլ պատգամավորներ «նշանակվեցին», Ծառուկյանի մամուլի խոսնակը բացասական պատասխան տվեց՝ ասելով, թե պատգամավոր են դառնում կրկին շատ ձայներ հավաքած թեկնածուներ:
«Այդ մարդիկ ևս վստահության քվե ունեն, ձայներ ունեն, և ռեյտինգային ընտրակարգը հենց դա էլ ենթադրում է: Կան քաղաքական պայմանավորվածություններ, իսկ դա գործընթաց է,- նշեց նա։
Մանրամասները դիտեք տեսանյութում:
Մարինե Խառատյան
