Քաղաքականություն
30.11.2020 | 13:522020 թ. նոյեմբերի 29-ին ռուս խաղաղապահները Հայաստանի տարածքից ավտոբուսների հերթական շարասյունն են ուղեկցել Լեռնային Ղարաբաղ։ Այս մասին հայտնում է ՌԴ ՊՆ-ն։
Ավտոբուսներով Երևանից Ստեփանակերտ է տեղափոխվել 1699 մարդ։ Ավտոշարասյունն ուղեկցել են ռուս խաղաղապահ զորախմբի պարեկային ծառայության ու ռազմական ոստիկանության աշխատակիցները։
Տեղեկացվում է, որ Լեռնային Ղարաբաղում իրենց բնակության մշտական վայրերն են վերադարձել շուրջ 23 հազար փախստականներ։
Հիշեցնենք՝ երեկ Հայկական միասնական տեղեկատվական շտաբից հայտնել էին, որ Երևանի «Կիլիկիա» ավտոկայանից դեպի Ստեփանակերտ անվճար ուղևորվող ավտոբուսները նոյեմբերի 30-ին, եղանակային վատ պայմանների պատճառով չեն մեկնի: Հետագա օրերի ուղերթների վերաբերյալ կտրվի լրացուցիչ տեղեկատվություն:
Տաթև Ֆռանգյան
