24.04.2026 | 10:46
Ադրբեջանի տարածքով այսօր հացահատիկ կուղարկվի Հայաստան
ԱՀԿ-ն խորհուրդ չի տալիս COVID-19-ով վարակման դեպքում օգտագործել «Ռեմդեսիվիր»
Քաղաքականություն
20.11.2020 | 11:49
Առողջապահության համաշխարհային կազմակերպության (ԱՀԿ) փորձագետները խորհուրդ են տալիս COVID-19-ով հոսպիտալացված հիվանդներին՝ չօգտագործել «Ռեմդեսիվիր» հակավիրուսային դեղամիջոցը՝ անկախ այն բանից, թե ինչքան բարդ ընթացք է ունենում հիվանդությունը։ Նշվում է, որ ոչ մի ապացույց չկա, որ այն բարելավում է վիճակը կամ նպաստում թոքերի օդափոխությունից խուսափելուն, գրում է Aljazeera-ն։
ԱՀԿ-ի նման խորհուրդները հիմնված են COVID-19-ով հիսպիտալացված շուրջ 7․000 պացիենտի շրջանում անցկացված ուսումնասիրությունների արդյունքների վրա, որոնց ընթացքում համեմատվել են մի քանի դեղորայքային բուժման արդյունքները։
Ավելի վաղ ԱՀԿ-ն հայտարարել էր, որ միայն կորտիկոստերոիդները, ինչպիսիք են դեքսամետազոնն ու հիդրոկորտիզոնը, ապացուցել են իրենց արդյունավետությունը կորոնավիրուսային ինֆեկցիայի ծանր ձևերում։ Ռեմդեսիվիրը, հիդրոքսիխլորոքինը, լոպինավիր/ռիտոնավիրը և ինտերֆերոնը, որոնք ակտիվորեն հետազոտվել են, կազմակերպության տվյալների համաձայն՝ չեն տալիս գրեթե ոչ մի արդյունք մահացության թվի նվազման տեսանկյունից։
ԱՀԿ-ից հոկտեմբերին հայտնել էին, որ ամսվա ընթացքում կհրապարակվի «Ռեմդեսիվիր» օգտագործման սկզբունքները։
Տաթև Ֆռանգյան
