Քաղաքականություն
19.11.2020 | 20:30Factor.am-ի հարցազրույցը «Հանուն Հանրապետության» կուսակցության ղեկավար մարմնի ներկայացուցիչ Արման Բաբաջանյանի հետ
-Այսօր հայտարարություններով հանդես եկավ ՊՆ ռազմական վերահսկողական ծառայության նախկին պետ, գեներալ-գնդապետ Մովսես Հակոբյանը։ Ըստ նրա՝ վարչապետի տիկինը Սամվել Բաբայանի հետ պատերազմի ընթացքում գտնվել է հրամանատարական կետում, ինքը խնդրել է հեռանալ, ինչից հետո Դավիթ Տոնոյանն իրեն Փաշինյանի անունից արգելել է գնալ կետ։ Հակոբյանը նշում է, որ բանակը քանդող սխալ որոշումներ են կայացվել՝ Արտակ Դավթյանի նշանակումը, կրճատվել է 5 գունդ, Նիկոլ Փաշինյանին հանցագործության մեջ մեղադրեց՝ ասելով, որ կանգնեցրել է համալրումը, ինչի հետևանքով առաջնագծում համալրումներ չեն եղել, և հակառակորդը մխրճվել է։ Եվ, ըստ Հակոբյանի, սխալ էր ՍՈՒ-30, «ԱՍԱ» համակարգեր ձեռք բերելը, և այլն։ Պարո՛ն Բաբաջանյան, ի՞նչ եզրակացության Դուք եկաք։
-Սա իրավապահների քննության առարկա պիտի դառնա, բայց նաև պետք է հաշվի առնել, թե ով է հայտարարողը՝ մի մարդ, որը հայտնի է Արցախի բանակը թալանելով։ Շատ ու շատ ուշագրավ դրվագներ գիտենք նրա՝ Հայաստանում ծավալած գործունեությունից, նրա դիզած ունեցվածքից։ Շատ կարևոր է նաև ուշադրություն դարձնել, թե ովքեր են հայտարարողները, որովհետև, վստահաբար, արդեն կարող ենք համոզված լինել, որ առաջիկայում կլինեն նոր հայտարարություններ՝ կանխելով վարչապետի այն խոստման կատարումը, որ ինքը առաջիկայում պատրաստվում է հայտարարություններով հանդես գալ, երբ ամեն ինչ կհանդարտվի՝ նա դավաճանների, զինվորականների անուններ պիտի երևան բերի։ Դա նա արեց հենց նոյեմբերի 10-ին։ Եվ չի բացառվում, որ սա արդեն կազմակերպված բնույթ սկսի ստանալ՝ կանխելու համար այդպիսի զարգացումները։
Մանրամասները՝ տեսանյութում:
Ռոբերտ Անանյան
