27.11.2024 | 22:49
Երևանի քաղաքապետն այցելել է Լոս Անջելեսի տրանսպորտի կառավարման կենտրոն
Հռոմում հայտնաբերվել է Կալիգուլա կայսեր շքեղ ապարանքը․ Daily Mail
Քաղաքականություն
18.11.2020 | 22:04
Հնէաբանները Հռոմում գտել են մի հոյակապ ապարանք, որը պատկանել է հռոմեական հայտնի կայսր Կալիգուլային: Պեղումների վայրում հայտնաբերվել են տասնյակ հազարավոր իրեր, այդ թվում `զարդեր:
Պալատի մնացորդները հայտնաբերվել են Վիկտոր Էմանուել Երկրորդի հրապարակում գտնվող 19-րդ դարի շենքի հիմքի տակ: Շենքի կողքին շատրվաններով պարտեզ է եղել ու կենդանաբանական այգի:
Գիտնականները գտել են առյուծի, արջի, եղնիկի ու ջայլամի մնացորդներ, հայտնում է Daily Mail– ը ՝ հղում անելով Հռոմի մշակութային ժառանգության նախարարության ներկայացուցչին: Թերևս այդ կենդանիներից որոշները ազատ շրջել են այգում, իսկ մյուսները կայսեր սիրելի «կրկեսային ներկայացումների» մասնակիցներն են եղել:
Բացի այդ, այգում աճել են էկզոտիկ բույսեր, որոնք բերված են եղել հսկա կայսրության ծայրամասերից և անգամ դրա սահմաններից դուրս :
Այգին բաժանված է եղել տարբեր բարձրությունների վրա գտնվող մի քանի տարածքների, որոնք միմյանց միացված են եղել մարմարե սանդուղքներով: Այգու կենտրոնական մասում տեղակայված շենքերը զարդարված են եղել ծով պատկերող գունավոր որմնանկարներով: Բացի այդ, պատերը զարդարված են եղել տարբեր գույների մարմարե բեկորների բարդ նախշերով:
Գտածոների մեջ կան նաև մետաղադրամներ, զարդեր և կենցաղային իրեր, հաղորդում է National Geographic- ը: Մասնագետների կողմից ուսումնասիրվելուց հետո դրանք թանգարանների ցուցանմուշներ կդառնան:
Տաթև Ֆռանգյան
