02.11.2026 | 22:55
«Ադրբեջանում խոսքի ազատությունն ու անկախ քաղաքական գործունեությունը ճնշվում են». ԵԽԽՎ և ԵԱՀԿ ԽՎ ներկայացուցիչներ
Գագիկ Ծառուկյանին մանդատից զրկելու նախագիծ է շրջանառվում. նիստը կկայանա այսօր
Քաղաքականություն
16.11.2020 | 15:21
Այսօր՝ նոյեմբերի 16-ին, տեղի կունենա ԱԺ նիստ, որի օրակարգում ընդգրկված է նախագիծ, որի համաձայն՝ պատգամավորներից մեկին պատգամավորական մանդատից զրկելու հարցով կդիմեն Սահմանադրական դատարան։
ԱԺ խորհրդի օրակարգում ընդգրկված որոշման նախագծում մշված է.
«Հիմք ընդունելով Սահմանադրության 95-րդ հոդվածը, Կոռուպցիայի կանխարգելման հանձնաժողովի 2020 թվականի հոկտեմբերի 26-ի «Ազգային ժողովի պատգամավորի կողմից անհամատեղելիության պահանջների խախտման մասին» 03/2020 եզրակացությունը, ղեկավարվելով «Ազգային ժողովի կանոնակարգ» սահմանադրական oրենքի 157-րդ հոդվածի 1-ին մասով` Ազգային ժողովի խորհուրդը որոշում է.
1.Պատգամավորի լիազորությունները դադարեցնելու հարցով դիմել Սահմանադրական դատարան:
2.Սույն որոշումն ուժի մեջ է մտնում հրապարակման պահից»:
Նաիրա Զոհրաբյանը հայտնել է՝ խոսքը Գագիկ Ծառուկյանի մասին է, որն, ի դեպ, արդեն զրկված է պատգամավորական անձեռնմխելիությունից։
