17.09.2026 | 16:06
Թրամփը ՄԱԿ ԳՎ-ի շրջանակում Իրանի պատերազմը կքննարկի Պարսից ծոցի երկրների ղեկավարների հետ
Ո՞վ է Լեռնային Ղարաբաղում ՌԴ խաղաղապահ ուժերի հրամանատարը. MK.ru
Քաղաքականություն
11.11.2020 | 19:19
Լեռնային Ղարաբաղի հակամարտության գոտում ՌԴ խաղաղապահ ուժերի հրամանատար է ուղարկվել ծնունդով դաղստանցի, գեներալ-լեյտենանտ Ռուստամ Մուրադովը, գրում է MK.ru-ն։
Ավելի վաղ հայտնի էր դարձել, որ այստեղ ռուս զինվորականները պետք է հետևեն հրադադարի ռեժիմի պահպանմանը։ Տեղեկացվում է, որ Մուրադովն արդեն հանդիպել է ՀՀ ՊՆ գերատեսչության ղեկավարի հետ։
Նշենք, որ Ռուստամ Մուրադովը 47 տարեկան է, ծնունդով Դաղստանի Տաբասարանսկի շրջանի Խանակ գյուղից։
Նա Չեչնիայի երկու պատերազմների մասնակից է, ինչի համար պարգևատրվել է «Քաջության» երկու շքանշանով: 2012 թվականին ստացել է գեներալ-մայորի կոչում:
2017 թվականին Մուրադովը եղել է ռազմական խորհրդական Սիրիայում: Այնտեղ ռազմական պարտականությունները կատարելիս ցուցաբերած խիզախության և հերոսության համար նրան շնորհվել է Ռուսաստանի հերոսի կոչում:
2018 թվականի դեկտեմբերին նա նշանակվել է Հարավային ռազմական շրջանի հրամանատարի տեղակալ, տեղեկացնում է dag.aif.ru-ն:
Նշենք, որ ՀՀ ՊՆ-ից այս տեղեկությունը ճշտելու մեր բոլոր փորձերը մնացին անպատասխան:
Տաթև Ֆռանգյան
