18.11.2024 | 17:31
Դեռ հրաժարական չի տվել, հիվանդանոցում է․ Փարաքար համայնքի ղեկավարի տեղակալը՝ համայնքապետի մասին
Հայաստանը ՌԴ-ին կօգնի՝ պարզելու Մի-24-ի կործանման հանգամանքները
Քաղաքականություն
09.11.2020 | 21:10
Հայաստանը կաջակցի ՌԴ-ին՝ պարզելու ռուսական Մի-24 ուղղաթիռի կործանման բոլոր հանգամանքները։ Այս մասին ՌԻԱ Նովոստին ասել է ՀՀ ՊՆ խոսնակ Շուշան Ստեփանյանը։
«Հայաստանը ռուսական կողմին փորձագիտական և տեղեկատվական աջակցություն կցուցաբերի՝ կատարվածի բոլոր հանգամանքները պարզելու համար»,- ասել է Ստեփանյանը։
Ավելի վաղ հայտնի էր դարձել Երասխի մոտակայքում ռուսական Մի-24 ուղղաթիռի կործանման մասին։ ՌԴ Պաշտպանության նախարարությունը հայտնել է, որ այն ուղեկցում էր ռուսական 102-րդ ռազմաբազայի ավտոշարասյունը Ադրբեջանի հետ սահմանից ոչ հեռու։
«Մի-24-ը գետնից կրակի է ենթարկվել զենիթահրթիռային համակարգերի կողմից: Հրթիռի հարվածի արդյունքում ուղղաթիռը կորցրել է կառավարումը և ընկել Հայաստանի տարածքում՝ լեռնային տեղանքում»,- ասվում է հաղորդագրությունում։
Անձնակազմի երկու անդամ զոհվել է, մեկ զինվորական դուրս է բերվել ուղղաթիռից, նա միջին ծանրության վնասվածքներ է ստացել։
Ռուսական 102-րդ ռազմաբազայի հրամանատարությունը հետաքննություն է սկսել։
