10.06.2026 | 13:12
«Ուժեղ Հայաստանի» պատգամավորի թեկնածու Գոհար Մելոյանի ասուլիսը. ՈւՂԻՂ
System of a Down խումբը 15 տարի անց նոր երգեր է թողարկել՝ Արցախի դեմ պատերազմի մասին
Քաղաքականություն
06.11.2020 | 11:07
Աշխարհահռչակ System of a Down ռոք խմբի վոկալիստ Սերժ Թանկյանը Ֆեյսբուք սոցիալական ցանցի իր էջում գրառումով տեղեկացրել է, որ System Of A Down խումբը վերջին 15 տարվա ընթացքում առաջին անգամ նոր երգ է թողարկել։
«Հիմա է դա անելու ժամանակը, քանի որ մենք՝ չորսով միասին, չափազանց կարևոր բան ունենք ասելու՝ որպես միասնական ձայն: Այս երկու երգերը ՝ «Protect The Land» և «Genocidal Humanoidz», երկուսն էլ խոսում են սարսափելի և լուրջ պատերազմի մասին, որն իրականացվում է Արցախի և Հայաստանի՝ մեր մշակութային հայրենիքների դեմ»:
Թանկյանը նշում է, որ Ադրբեջանում Ալիևի և Թուրքիայում Էրդողանի ներկայիս կոռումպացված վարչակարգերը ոչ միայն ուզում են Արցախն ու Հայաստանը որպես իրենցը հայտարարել, այլ անպատիժ կերպով կատարում են ցեղասպանական գործողություններ՝ իրենց առաքելությանը հասնելու համար:
«Նրանք իրենց վայրագությունները կատարում են այն ժամանակ, երբ աշխարհը զբաղված է COVID- ով, ընտրություններով և քաղաքացիական անկարգություններով: Նրանք ունեն դրամաշնորհ, ռեսուրսներ և իրենց կողմ են ներգրավել հասարակայնության հետ զանգվածային միջոցներին ՝ ճշմարտությունն ու ցեղասպանության իրենց բարբարոսական նպատակը քողարկելու համար»,- գրել է Թանկյանը՝ նշելով, որ Ադրբեջանի ու Թուրքիայի համար խոսքի ազատությունը ոչ մի արժեք չունի։
«Մենք այստեղ ենք ՝ պաշտպանելու մեր հողը, պաշտպանելու մեր մշակույթը և պաշտպանելու մեր ազգը: Աչք փակելու ժամանակը չէ։ Որպես SOAD, սա անհավանական առիթ է ամեն ինչ մի կողմ դնելու և մեր ազգի համար ձայն բարձրացնելու, որպես միասնական չորս հայ տղաներ: «Protect The Land» – ը և «Genocidal Humanoidz» – ն այժմ գնման համար հասանելի են մեր պաշտոնական Bandcamp էջում `systemofadown.bandcamp.com – որի ողջ հասույթը փոխանցվում է ArmeniaFund-ին»,- գրել է Թանկյանը։
Տաթև Ֆռանգյան
