05.03.2026 | 00:15
Կառավարությունը 4 մլն դրամ կհատկացնի 44-օրյա պատերազմի ընթացքում ծանր վիրավորում ստացած զինծառայողի բուժման համար
Գիշերը բավականին թեժ է եղել Շուշիում․ կան վիրավորներ․Արցախի ՄԻՊ. ՏԵՍԱՆՅՈՒԹ
04.11.2020 | 12:57
Գիշերը բավականին թեժ է եղել Շուշիում, և քաղաքացիական օբյեկտներն Ադրբեջանի կողմից ինտենսիվ կերպով թիրախավորվել են: Կան վիրավորներ և առկա են բավականին մեծ ավերածություններ: Այս պահին մանրամասները ճշտվում են: Այս մասին ասյօր ասուլիսի ժամանակ ասաց Արցախի Հանրապետության ՄԻՊ Արտակ Բեգլարյանը:
«Մարտունի քաղաքը նույնպես թիրախավոված է եղել, առկա են ավերածություններ, բայց, բարեբախտաբար, մարդկային կորուստներ, վիրավորներ չունենք: Մի շարք գյուղական համայնքներ ևս թիրախավորվել են», – ասաց բանախոսը:
«Երեկ Ստեփանակերտի թիրախավորման հետևանքով երկու քաղաքացական անձ է վիրավորվել: Ադրբեջանը շարունակում է դիտավորյալ թիրախավորել քաղաքացիական անձանց և օբյեկտները, չի պահում միջազգային պայմանավորվածությունները: Երեկ թիրախավորվել են նաև Շուշին, Մարտունին և այլ բնակավայրեր, այդ թվում՝ կասետային զինատեսակներով, ինչը միջազգային իրավունքով արգելված զինատեսակ է՝ հատկապես քաղաքացիական օբյեկտների շրջակայքում», – նշեց ԱՀ ՄԻՊ-ը:
Մանրամասները՝ տեսանյութում:
