10.06.2026 | 11:34
«Բենֆիկան» հայտնել է՝ որքան գումար է «Ռեալը» վճարել Մոուրինյուի տեղափոխության համար
Ուկրաինան Ադրբեջանին ֆոսֆորային ռումբեր չի մատակարարել․ Զելենսկի
Քաղաքականություն
03.11.2020 | 14:05
Ուկրաինայի նախագահ Վլադիմիր Զելենսկին հայտարարել է, որ Կիևը դեմ է ցանկացած արյունալի հակամարտությունների։ Նա այս կերպ պատասխանել է ռուսաստանաբնակ հայ ռեժիսոր Սարիկ Անդրեասյանին, որը նրան մեղադրել էր Լեռնային Ղարաբաղում պատերազմի ժամանակ հայ երեխաների մահվան համար՝ հայտարարելով, թե Ուկրաինան Ադրբեջանին ֆոսֆորային ռումբեր է վաճառում պատերազմի ընթացքում։
Զելենսկին Անդրեասյանին պատասխանել է Telegram-ում գրառմամբ։
«Հասկանում եմ, Սարիկ, իսկապես ցավոտ է։ Սարսափելի է, երբ տեսնում ես, թե ինչ է իսկական պատերազմը․․․ Ուկրաինան երբեք և ոչ մի տեղ որևէ ֆոսֆորային ռումբ չի մատակարարել։ Ընդհանրապես։ Հատկապես այնտեղ, որտեղ արդեն թեժ է, և որտեղ արդեն շատ տաք գլուխներ կան, որոնք ցանկանում են ինչ-որ «աշխարհաքաղաքական հարցեր լուծել»»,- մասնավորապես գրել է Ուկրաինայի նախագահը։
Զելենսկին նաև ընդգծել է, որ Ուկրաինայում մեծ հայ համայնք կա, որոնք ուկրաինական հանրության մաս են կազմում։
