19.01.2026 | 16:17
Դավիթ Համբարձումյանը հնարավորություն ունեցել է չվերադառնալու, բայց վերադարձել է՝ գիտակցումով, որ գնալու է բանտ. պաշտպան
Ցինիկ հանցագործություն․ Պուտինը ցավակցական հեռագիր է հղել Ավստրիային
Քաղաքականություն
03.11.2020 | 12:54
ՌԴ նախագահ Վլադիմիր Պուտինը ցավակցական հեռագիր է հղել Ավստրիայի նախագահ Ալեքսանդր Վան դեր Բելենին ու երկրի կանցլեր Սեբաստիան Կուրցին, որում ցավակցություններ է հայտնել Վիեննայում տեղի ունեցած ահաբեկչության կապակցությամբ, փոխանցում է «Ռադիո Sputnik»-ը։
ՌԴ ղեկավարը Վիեննայում հարձակումներն անվանել է դաժան ու ցինիկ հանցագործություն։
«ՌԴ ղեկավարը վճռականորեն դատապարտում է այս դաժան ու ցինիկ հանցագործությունը, որը հերթական անգամ հաստատում է ահաբեկչության անմարդկային բնույթը, և վստահություն է հայտնել, որ ահաբեկչության ուժով ոչ մեկին չի հաջողվի վախեցնել, տարաձայնություններ և թշնամանք սերմանել տարբեր դավանանքի տեր մարդկանց միջև»,- ասվում է հեռագրում։
Հիշեցնենք՝ երկուշաբթի երեկոյան անհայտն անձինք հարձակումներ են իրականացրել Ավստրիայի մայրաքաղաքում։ Զոհվել է 4 մարդ, ևս 18-ը վիրավորվել է։ Ահաբեկիչներից մեկին հաջողվել է չեզոքացնել, մյուս հանցագործները փախուստի են դիմել։ Վերջիններիս ձերբակալման ուղղությամբ հատուկ օպերացիա է իրականացվում։
Տաթև Ֆռանգյան
