Քաղաքականություն
30.10.2020 | 16:51
Ֆրանսիայի իրավապահները Նիսում ահաբեկչության հետաքննության շրջանակում ձերբակալել են 47-ամյա տղամարդու։ ՏԱՍՍ-ի փոխանցմամբ՝ այս մասին հայտնում է ֆրանսիական BFM հեռուստաալիքը՝ վկայակոչելով ոստիկանությունում սեփական աղբյուրին։
Ըստ տեղեկությունների՝ տղամարդը ձերբակալվել է հինգշաբթի երեկոյան։ Նա կասկածվում է այն բանում, որ Աստվածամոր տաճարի այցելուների վրա հարձակումից մեկ օր առաջ շփվել է ահաբեկչի հետ։ Ձերբակալվածի մասին այլ տեղեկություններ չեն հաղորդվում։
Հիշեցնենք՝ հոկտեմբերի 29-ին Ֆրանսիայի Նիս քաղաքում անհայտ անձի կողմից եկեղեցում մարդկանց վրա հարձակման արդյունքում երեք զոհ կա, որոնցից մեկը՝ գլխատված կին։
Տաթև Ֆռանգյան
