27.11.2024 | 22:49
Երևանի քաղաքապետն այցելել է Լոս Անջելեսի տրանսպորտի կառավարման կենտրոն
3 զոհ, որոնցից մեկը՝ գլխատված․ ֆրանսիական Նիսում հարձակման նոր մանրամասներ
Քաղաքականություն
29.10.2020 | 14:22
Ֆրանսիայի Նիս քաղաքում անհայտ անձի կողմից եկեղեցում մարդկանց վրա հարձակման արդյունքում երեք զոհ կա, որոնցից մեկը՝ գլխատված կին, գրում է Reuters-ը։
Նիսի քաղաքապետ Քրիստիան Էստրոզին այս հարձակումն անվանել է ահաբեկչություն։ Նշվում է, որ 3 զոհերից երկուսին սպանել են եկեղեցու ներսում։ Էստրոզին նաև հայտնել է, որ փակվում են քաղաքի բոլոր եկեղեցիները։
«Հրամայել եմ կապ պահպանել մեր քաղաքի բոլոր հոգևորականների, ինչպես նաև կրոնական այլ գործիչների հետ, որպեսզի քաղաքի բոլոր եկեղեցիներն ու մյուս աղոթատեղիները փակվեն ու վերահսկվեն տեսախցիկներով»,- հայտարարել է նա:
Դեպքի հետաքննությանը միացել է Ֆրանսիայի դատախազության հակաահաբեկչության բաժանմունքը։ Միաժամանակ, Ֆրանսիայի նախագահ Էմանուել Մակրոնն ահաբեկչությունից հետո շտապ կերպով մեկնել է ՆԳՆ-ի ճգնաժամային կենտրոն։
Մինչ այդ, «Ազգային ճակատ» կուսակցության ղեկավար Մարի Լը Պենը տեղի ունեցածը «պատերազմ» է կոչել և սուր քննադատության ենթարկել երկրի իշխանությունների քաղաքականությունը։
«Չգիտեմ՝ դեռ քանի ահաբեկչություն է պետք կառավարությանը, որպեսզի գիտակցեն, որ մեզ պետք է օրենսդրություն՝ մեր դեմ մղվող պատերազմին արձագանքելու համար»,- ասել է Մարին Լը Պենը։
Տաթև Ֆռանգյան
Une femme s’indigne et crie sa rage, à quelques metres du drame. pic.twitter.com/egvnEdkv4s
— Nice-Matin photo (@nicematinphoto) October 29, 2020
