01.07.2026 | 22:57
ԱԺ պատգամավորի երդման տեքստը կփոփոխվի․ օրենքի նախագիծը դրական եզրակացություն է ստացել
Մեսսին կարիերայի ընթացքում 4-րդ անգամ նվաճեց Ոսկե խաղակոշիկը. armsport.am
29.05.2017 | 11:49
«Բարսելոնայի» հարձակվող Լիոնել Մեսսին 2016/17 մրցաշրջանի արդյունքներով դարձավ «Ոսկե խաղակոշիկի» դափնեկիրը. մրցանակ, որն ամեն տարի տրվում է եվրոպական առաջնությունների լավագույն ռմբարկուին. տեղեկացնում է armsport.am-ը։
29-ամյա արգենտինացին Իսպանիայի ավարտված առաջնությունում 34 հանդիպման մասնակցեց և դարձավ 37 գոլի հեղինակ՝ այդ կերպ վաստակելով 74 միավոր:
Երկրորդ տեղը զբաղեցրել է Լիսաբոնի «Սպորտինգի» հարձակվող Բաս Դոստը, որը 34 գոլ է խփել (68 միավոր) Պորտուգալիայի առաջնությունում: Լավագույն եռյակը եզրափակել է Դորտմունդի «Բորուսիայի» հարձակվող Պիեր-Էմերիկ Օբամեյանգը (31 գոլ, 62 միավոր):
Նշենք՝ Մեսսին իր կարիերայի ընթացքում 4-րդ անգամ արժանացավ այս մրցանակին: Ավելի վաղ նա եվրոպական առաջնությունների լավագույն ռմբարկու էր դարձել 2010, 2012 և 2013 թվականներին: Այս ցուցանիշով Լիոնելը հավասարվեց Մադրիդի «Ռեալի» հարձակվող Կրիշտիանու Ռոնալդուին, որն ավարտված մրցաշրջանում 25 գոլ խփեց իսպանական Պրիմերայում:
«Ոսկե խաղակոշիկի» վարկանիշում ֆուտբոլիստի խփած գոլերի քանակը բազմապատկվում է առաջնության համապատասխան գործակցով: Գոլը, որը խփվել է թոփ-5 ուժեղագույն առաջնություններում, 2 միավոր է գնահատվում:
