15.01.2026 | 14:46
Բաքվում գտնվելու մասին ոչինչ չի պատմել, մենք էլ չենք հարցրել. Վագիֆ Խաչատրյանի դուստր
Աբաս Արաքչին Բաքվում ներկայացրել է ԼՂ հակամարտության կարգավորման իրանական ծրագիրը
Քաղաքականություն
28.10.2020 | 12:07
Քաղաքական հարցերով ԻԻՀ փոխարտգործնախարար Աբաս Արաքչին Բաքվում հայտարարել է Իրանի՝ Լեռնային Ղարաբաղում ռազմական գործողությունների դադարեցման վերաբերյալ նախաձեռնության մասին, գրում է ԻՌՆԱ գործակալությունը։
Նշվում է, որ Իրանի նախագահի հատուկ բանագնացը Բաքվում է, որպեսզի քննարկի Լեռնային Ղարաբաղում ճգնաժամն ու հակամարտության կարգավորման իրանական ծրագիրը։ Արաքչին իր այցի գլխավոր նպատակ է անվանել Հայաստանի ու Ադրբեջանի միջև ռազմական գործողությունների դադարեցումն ու հաստատուն խաղաղության վերականգնումը։
«Վերջ դնել ադրբեջանական հողերի օկուպացիային, պաշտպանել ազգային փոքրամասնությունների և մարդու իրավունքները, սրանք են Իրանի ծրագրի գլխավոր գործոնները»,- նշել է իրանցի դիվանագետը՝ հավելելով, որ այս ծրագիրը կարող է իրականացվել փուլ առ փուլ։
Նա նաև իրանական ծրագրի մեկ այլ առանցքային հարց է անվանել ռազմական գործողությունների դադարեցումը և ազդեցիկ պետությունների մասնակցությամբ բանակցությունների վերսկսումը՝ նշելով, որ Իրանը մտադիր է խորհրդակցել տարածաշրջանային երկրների հետ իր ծրագրի շուրջ:
Արաքչին, Բաքվից բացի, կայցելի նաև Մոսկվա, Երևան ու Անկարա՝ Լեռնային Ղարաբաղի հակամարտության կարգավորման իրանական նախաձեռնությունը զարգացնելու համար։
Տաթև Ֆռանգյան
