04.11.2026 | 22:58
Փաշինյանը բարձր տեխնոլոգիաների ոլորտում համաշխարհային ներդրման համար ՀՀ պետական մրցանակը հանձնել է Քեմ Ղաֆֆարիանին
Ադրբեջանում կրկին խոսել են գերիների ու զոհվածների մարմինների միակողմանի փոխանակման հնարավորության մասին
Քաղաքականություն
27.10.2020 | 14:22
Ադրբեջանական կողմը կրկին խոսել է գերիների ու զոհվածների մարմինների միակողմանի փոխանակման հնարավարության մասին։ Բաքուն «պատրաստակամություն» է հայտնել միակողմանի կերպով Հայաստանին փոխանցել զոհված զինծառայողների մարմինները։
«Մոսկվայում հոկտեմբերի 10-ին հումանիտար հրադադարի մասին ձեռք բերված համաձայնությունից հետո, Գերիների, պատանդների և անհետ կորածների պետական հանձնաժողովի նախագահ Ալի Նագիևի ու այլ լիազորված անձանց՝ Միջազգային Կարմիր խաչի Բաքվի գրասենյակի ղեկավարի հետ հանդիպումների ժամանակ ադրբեջանական կողմը պատրաստակամություն է հայտնել զոհված զինծառայողների մարմինների փոխադարձ փոխանակման»,- ասվում է Ադրբեջանի պետական հանձնաժողովի հայտարարության մեջ, որը հրապարակվել է Ադրբեջանի Պետական անվտանգության ծառայության կայքում։
Բացի այդ, հայտարարությունում նշվում է, թե Ադրբեջանը պատրաստ է զոհված հայ զինծառայողների մարմինների միակողմանի վերադարձին։
Նշենք, որ Ադրբեջանը շարունակում է խախտել հոկտեմբերի 10-ին Մոսկվայում ձեռք բերված հումանիտար հրադադարը, թիրախավորել քաղաքացիական բնակավայրերն ու խաղաղ բնակիչներին։ Ադրբեջանն իր գործողություններով, փաստացի հրաժարվում է զոհված սեփական զինծառայողների մարմինների փոխանակումից։
Հայկական կողմի վերջին տվյալներով՝ Ադրբեջանը 6․674 զինծառայողի կորուստ ունի։
Էմմա Չոբանյան
