01.07.2026 | 11:59
ԵՏՄ երկրների, այդ թվում՝ Հայաստանի բանկերը խստացրել են հաշվեհամարներին կանխիկ ռուբլու մուտքագրման պայմանները
Վարչապետը չի մասնակցել նախկին նախագահների հանդիպմանը․ վարչապետի խոսնակ
Քաղաքականություն
21.10.2020 | 15:45
Այսօր «Լուսավոր Հայաստան» կուսակցության ղեկավար Էդմոն Մարուքյանը Աժ-ում հայտնել էր, թե իր տեղեկություններով վարչապետը հանդիպել է նախկին նախագահների հետ։
Վարչապետի խոսնակ Մանե Գևորգյանը Factor.am-ի հետ զրույցում այս տեղեկությունը հերքեց, պարզաբանելով, որ եթե նման հանդիպում լիներ, ապա պաշտոնապես կհայտարարեին։
Իսկ հարցին, թե արդյոք հանդիպման առաջարկ եղել է վարչապետին, ասաց, որ չի կարող այդ հարցին պատասխանել։
Հիշեցնենք, որ ՀԱԿ խոսնակ Արամ Մուսինյանը այսօր գրեց, որ տեղի է ունեցել խորհրդակցություն, որին մասնակցել են Հայաստանի հանրապետության նախկին նախագահներ Լևոն Տեր-Պետրոսյանը, Ռոբերտ Քոչարյանը, Սերժ Սարգսյանը և Արցախի Հանրապետության նախկին նախագահներ Արկադի Ղուկասյանը և Բակո Սահակյանը։
Լիլիթ Շաբոյան
