12.10.2026 | 22:59
Հայտնաբերվել է 505 ոչ սթափ վարորդ․ պարեկների անցած շաբաթվա ծառայության արդյունքները
COVID-19-ով վարակվածների թիվն աշխարհում գերազանցել է 40,7 միլիոնը․ թարմ տվյալներ
Քաղաքականություն
21.10.2020 | 14:20
COVID-19-ի համաճարակից ի վեր ամբողջ աշխարհում գրանցվել է կորոնավիրուսային հիվանդության վարակման 41․094․659 դեպք: Անցած մեկ օրվա ընթացքում հայտնաբերվել է վարակման 380․514 նոր դեպք, տեղեկանում ենք Worldometer-ից։
Միաժամանակ, այսօրվա դրությամբ COVID-19-ի հետևանքով մահացածների թիվը հասել է 1․130․550-ի, ապաքինվել է 30.656.145 մարդ։
5 միլիոնից ավելի վարակակիր ունեցող երկրների առաջին եռյակում են ԱՄՆ-ը, Հնդկաստանն ու Բրազիլիան։
Վարակակիրների ու կորոնավիրուսից մահացածների թվով առաջատար է մնում Ամերիկայի Միացյալ Նահանգները, որտեղ, ընդհանուր առմամբ, բացահայտվել է հիվանդության 8․273․296 դեպք, որոնցից 221․052-ը՝ մահվան ելքով։ ԱՄՆ-ում ավելի քան 3․2 միլիոն մարդ առողջացել է։
Վարակակիրների թվով աշխարհում երկրորդ հորիզոնականում Հնդկաստանն է, որտեղ գրանցվել է հիվանդության 7․597․063 դեպք, մահացել է 115․197 մարդ, իսկ 6․7 միլիոնն ապաքինվել է։
Երրորդ հորիզոնականը զբաղեցնող Բրազիլիայում համաճարակի ընթացքում գրանցվել է վարակման 5․273. 954 դեպք, մահացել է 154․837, ապաքինվել՝ 4․5 միլիոն մարդ։
Վերջին տվյալներով, Հայաստանում գրանցվել է կորոնավիրուսային հիվանդության 68․530 դեպք, մահացությունների թիվը կազմում է 1․121, ապաքինվել է 49․219 մարդ։
Տաթև Ֆռանգյան
