02.08.2026 | 21:08
Շոգ եղանակին՝ առավել զգոնություն. ՍԱՏՄ-ի կոչը հանրային սննդի ոլորտի ներկայացուցիչներին և միջոցառումների կազմակերպիչներին
Որոշվել է Ղրղզստանի խորհրդարանի կրկնակի ընտրությունների օրը
Քաղաքականություն
21.10.2020 | 12:29
Ղրղզստանի Կենտրոնական ընտրական հանձնաժողովը խորհրդարանի կրկնակի ընտրությունները նշանակել է դեկտեմբերի 20-ին։ Այս մասին ՌԻԱ Նովոստիին հայտնել է հանձնաժողովի ներկայացուցիչը։
«Կենտրոնական ընտրական հանձնաժողովը միաձայն հաստատել է դեկտեմբերի 20-ը որպես նոր ընտրությունների օր»,- հայտնել է գործակալության զրուցակիցը։
Նշվում է, որ քվեարկությանը կսկսեն նախապատրաստվել արդեն հոկտեմբերի 21-ից։
Հիշեցնենք, որ Ղրղզստանի նախագահ Սոորոնբայ Ժեենբեկովը հայտարարել էր հրաժարականի մասին։
«Ես կառչած չեմ իշխանությունից։ Չեմ ցանկանում Ղրղզստանի պատմության մեջ մնալ որպես արյուն թափած ու սեփական քաղաքացիների վրա կրակած նախագահ։ Այդ պատճառով էլ որոշում եմ կայացրել հրաժարական տալ»,- ասվում էր երկրի ղեկավարի հայտարարությունում։
Տաթև Ֆռանգյան
