02.08.2026 | 21:08
Շոգ եղանակին՝ առավել զգոնություն. ՍԱՏՄ-ի կոչը հանրային սննդի ոլորտի ներկայացուցիչներին և միջոցառումների կազմակերպիչներին
Ղրղզստանի նախագահը հրաժարական է տվել
Քաղաքականություն
15.10.2020 | 12:47
Ղրղզստանի նախագահ Սոորոնբայ Ժեենբեկովը հայտարարել է հրաժարականի մասին։ Այս մասին հայտնել են երկրի ղեկավարի մամլո ծառայությունից, գրում է ՏԱՍՍ-ը։
«Ես կառչած չեմ իշխանությունից։ Չեմ ցանկանում Ղրղզստանի պատմության մեջ մնալ որպես արյուն թափած ու սեփական քաղաքացիների վրա կրակած նախագահ։ Այդ պատճառով էլ որոշում եմ կայացրել հրաժարական տալ»,- ասվում է երկրի ղեկավարի հայտարարությունում։
Ժեենբեկովը նաև նշել է, որ Ղրղզստանում իրավիճակը սպառնում է վերաճել ուժայինների ու ցուցարարների միջև բախման։
«Ցավոք, ագրեսիան չի հանգստանում, իմ անհապաղ հրաժարականի պահանջը շարունակվում է։ Ընթացիկ իրավիճակը մոտ է երկկողմ հակամարտության․ մի կողմից՝ ցուցարարները, մյուս կողմից՝ իրավապահ մարմինները։ Զինծառայողներն ու իրավապահ մարմինները պարտավոր են զենք կիրառել պետական կառույցները պաշտպանելու համար։ Այդ դեպքում արյուն կթափվի, դա անխուսափելի է։ Կոչ եմ անում երկու կողմերին չտրվել սադրանքների»,- հայտարարել է Ղրղզստանի նախագահը։
Տաթև Ֆռանգյան
