27.03.2026 | 17:40
Իսրայելի պաշտպանության նախարարը հայտարարել է, որ Իրանին հարվածները «կուժեղանան և կընդլայնվեն»
Չեք պատկերացնի՝ հակառակորդի քանի դիակ կա ռազմաճակատում. Անդրանիկ Քոչարյան. ՏԵՍԱՆՅՈՒԹ
08.10.2020 | 11:30
Մենք պատրաստ ենք: Խորհրդարանական ճեպազրույցի ժամանակ պատասխանելով մարդասիրական դադարի և այդ ընթացքում մարտադաշտից զոհերի մարմինները հեռացնելու հնարավորության մասին հարցին ի պատասխան՝ այս մասին ասաց ԱԺ «Իմ քայլը» խմբակցության պատգամավոր Անդրանիկ Քոչարյանը:
«Դուք չեք պատկերացնում մեր դիրքերի մատույցներում հակառակորդի դիակների քանակը: Նույնիսկ իսլամի օրենքներով դրանք մեկ օրից ավելի չպետք է մնան, սակայն նրանք չեն համաձայնվում դիակները տանել: Կարմիր Խաչի բոլոր հորդորները զուր են լինում: Նրանք նույնիսկ տեղեկատվություն չեն փոխանցում իրենց հասարակությանը, թե ովքեր են մահացել, վիրավորվել և այլն: Պարոն Ալիևն ու Էրդողանն այս հարցում էլ են գնում ծայրահեղ քայլերի: Բոլոր պատերազմներում կան գրված ու չգրված օրենքներ: Դրա համար կա Կարմիր Խաչ, որի գրասենյակը ևս հրթիռակոծվում է Ստեփանակերտում: Ուղղակի պարոն Ալիևին ձեռնտու չէ դիակների համար դադար տալ, դրանք տեղափոխել հուղարկավորության համար: Դա պատերազմի ամբողջ բովանդակությունն ի հայտ կբերի իրենց բնակչության համար»,- ասաց Քոչարյանը:
Նա հայտարարեց, որ միջազգային հանրությունը պետք է հարցը բարձրացնի, դիակները պետք է հեռացնել մարտի դաշտից:
Մանրամասները՝ տեսանյութում։
