19.04.2026 | 23:45
Գետերում նկատվում է ջրի մակարդակի բարձրացում. ՆԳՆ ՓԾ-ն անցել է ուժեղացված ծառայության
Ադրբեջանի ագրեսիայի մասին ԵԱՀԿ ՄԽ համանախագահները, միջազգային կառույցները իրազեկված են․ Մայիլյան․ ՏԵՍԱՆՅՈՒԹ
Քաղաքականություն
28.09.2020 | 00:31
Ադրբեջանի ագրեսիայի մասին ԵԱՀԿ ՄԽ համանախագահները, միջազգային կառույցները իրազեկված են։ Այս մասին լրագրողների հետ հետ հանդիպմանն ասաց Արցախի Հանրապետության արտաքին գործերի նախարար Մասիս Մայիլյանը:
«ԵԱՀԿ ՄԽ համանախագահները հանդես են եկել հայտարարությամբ այս թեմայով: Արցախի ԱԳՆԳ-ն ևս հայտարարությամբ է հանդես եկել, որտեղ նշվել է, որ այս ագրեսիայի նախաձեռնողն ադրբեջանական կողմն է, և սա հերթական ագրեսիան է Ադրբեջանի կողմից»,- նշեց ԱՀ արտգործնախարարը:
«Ադրբեջանի կողմից նախաձեռնած ագրեսիվ գործողությունները միշտ իր համար ապարդյուն են եղել, համոզված ենք, որ այս անգամ ևս հաղթանակը մերն է լինելու»,- հույս հայտնեց Մասիս Մայիլյանը:
Նա վստահեցրեց, որ ակտիվ աշխատանքներ են իրականացվում միջազգային կառույցների հետ. «Իրազեկել ենք իրավիճակի մասին, նպատակ ենք ունեցել, որ մեր արտերկրի գործընկերներն իմանան, թե ով է այս ագրեսիայի նախաձեռնողը: Պատահական չէ, որ հնչել են մի շարք հայտարարություններ, որտեղ տարբեր կառույցներ, տարբեր գործիչներ մեղադրում են Ադրբեջանին այս ագրեսիայի սանձազերծման մեջ և իրենց աջակցությունն են հայտնում Արցախի ժողովրդին: Միջազգային արձագանքը եղել է շատ բուռն»:
Մանրամասները՝ տեսանյութում:
