18.11.2024 | 14:16
Վստահ եմ, որ ՆԳ նախարարությունը կշարունակի առաջնորդվել մեր որդեգրած բարձր արժեքներով և սկզբունքներով․ Վահե Ղազարյան
Թուրքական զինատեսակներ են կիրառվել, իսկ սիրիացի գրոհայինների մասնակցությունը դեռ փաստ չէ․ Արծրուն Հովհաննիսյան․ ՏԵՍԱՆՅՈՒԹ
Քաղաքականություն
27.09.2020 | 21:25
Ի տարբերություն նախկին մարտական գործողությունների՝ Ադրբեջանն այսօր նկատելիորեն պասիվ է։ Այսօր հրավիրված ճեպազրույցում ասաց ՀՀ ՊՆ ներկայացուցիչ Արծրուն Հովհաննիսյանը։
Ըստ նրա՝ տարօրինակն այն է, որ իրենց հատուկ քարոզչական տեխնոլոգիաներ չեն կիրառում, օրինակ՝ հայկական գյուղեր գրավելու կեղծ լուրեր այս անգամ չեն տալիս։ Փոխարենը, ըստ Հովհաննիսյանի, ՀՀ ՊՆ-ն արդեն ադրբեջանական զինտեխնիկայի խոցումը պատկերող մի քանի տեսանյութ է հրապարակել։
Իսկ ի՞նչ փաստեր կան Ադրբեջանի կողմից սիրիացի զինյալների մասնակցության վերաբերյալ հարցին Հովհաննիսյանը պատասխանեց․ «Տվյալները ճշտվում են, բայց մենք այս պահին տիրապետում ենք որոշակի հստակություն պարունակող տեղեկությունների՝ և՛ գրոհայինների մասով, և՛ Թուրքիայի միջամտության մասով, և՛ ադրբեջանական Զինված ուժերում թուրքական արտադրության զինատեսակների կիրառության մասով։ Դրանք արդեն կասկած չհարուցող փաստեր են։ Զինյալների մասը այս պահին պնդել չեմ կարող, կհավաքենք փաստեր ու այն ժամանակ ապացույցներով կխոսենք»,- ասաց Հովհաննիսյանը։
Մանրամասները՝ տեսանյութում։
