05.11.2026 | 20:23
Հ1-ի տնօրենն ընդունել է պատերազմի տարելիցի օրը համերգ հեռարձակելու սխալը, բայց հրաժարականի անհրաժեշտություն չի տեսնում
«Իմ վրա չեն կարող ազդել». Խունդկարյանը՝ նախկին իշխանության հետ կապերի մասին. ՏԵՍԱՆՅՈՒԹ
Քաղաքականություն
23.09.2020 | 11:04
Դեռևս որևէ մեկը չի շոշափել իմ թեկնածության հարցը որպես ՍԴ նախագահ: Այս մասին այսօր լրագրողների հետ զրույցում հայտարարեց ՍԴ նորընտիր դատավոր Երվանդ Խունդկարյանը:
Հարցին՝ ինքն ուզո՞ւմ է դառնալ ՍԴ նախագահ, Խունդկարյանը պատասխանեց, որ այս պահի դրությամբ ո՛չ առաջադրման, ո՛չ չառաջադրման մասին որոշում չունի, քննարկում չի եղել. «Քննարկումը կլինի աշխատակարգային նիստում»: Հարցին էլ՝ Հրայր Թովմասյանի ընտրվելու դեպքում ՍԴ ճգնաժամը կշարունակվի՞, նա արձագանքեց․ «Այն անձը, ով կընտրվի աշխատակարգային նիստում փակ գաղտնի քվեարկությամբ, լուծումը կլինի օրենքի պահանջների համաձայն»:
ՍԴ դատավորը պնդեց՝ երաշխիք չի եղել, թե ինքն է լինելու ՍԴ նախագահը. «Որևէ մեկը չէր կարող նման երաշխիք տալ և չի տվել»:
Անդրադառնալով նախկին իշխանության հետ կապերի և հնարավոր ազդեցության վերաբերյալ հարցին՝ Երվանդ Խունդկարյանը պնդեց, որ իր վրա որևէ մեկը երբևէ չի ազդել և չի կարող ազդել:
Մանրամասները՝ տեսանյութում:
