08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
ՍԴ նախագահի ընտրության օրը հայտնի է․ կանցկացվի ՍԴ աշխատակարգային նիստ
Քաղաքականություն
21.09.2020 | 17:39
Սահմանադրական դատարանի նախագահի անունը հայտնի կդառնա երկու օրից, ՍԴ աշխատակարգային նիստի արդյունքներով։ Այդ օրը կընտրվի նաև Սահմանադրական դատարանի նախագահի տեղակալ։ Այս մասին Factor.am-ի հետ զրույցում ասաց ՍԴ աշխատակազմի ղեկավար Էդգար Ղազարյանը։
Նա տեղեկացրեց, որ թեկնածուներն առաջադրվելու կամ ինքնառաջադրվելու են հենց նիստի ժամանակ։
«Սահմանադրական դատարանի մասին» ՀՀ օրենքի համաձայն՝ ՍԴ կազմից նախագահ կարող է ընտրվել ՍԴ դատավորների առաջադրած կամ ինքնառաջադրված այն թեկնածուն, որը ստացել է ՍԴ դատավորների ընդհանուր թվի ձայների երկու երրորդը, իսկ այն դեպքում, երբ առաջադրվել է մեկ թեկնածու, ապա նա ընտրվում է ՍԴ դատավորների ընդհանուր թվի ձայների մեծամասնությամբ:
Եթե առաջադրված երկու կամ ավելի թեկնածուներից ոչ ոք քվեարկության արդյունքով չի ստանում անհրաժեշտ թվով ձայներ, ապա հնգօրյա ժամկետում անցկացվում է ընտրության երկրորդ փուլ, որին մասնակցում են առաջին փուլում առավել ձայներ ստացած երկու թեկնածուները: Ընտրության երկրորդ փուլի արդյունքով ընտրված է համարվում այն թեկնածուն, որն ստացել է Սահմանադրական դատարանի դատավորների ձայների ընդհանուր թվի մեծամասնությունը։
Գարիկ Հարությունյան
