30.06.2026 | 23:28
«Ուիմբլդոն»․ Կարեն Խաչանովը մեկնարկել է հաղթանակով
Հեղափոխությունը մեզ ընձեռել է ժողովրդավար երկիր կառուցելու պատմական հնարավորություն. Արման Բաբաջանյան. ՏԵՍԱՆՅՈՒԹ
Քաղաքականություն
21.09.2020 | 15:47
Այսօր «Հանուն Հանրապետության» ժողովրդավարության պաշտպանների դաշինք կուսակցության առաջին համագումարն էր: Կուսակցության հիմնադիր, ԱԺ պատգամավոր Արման Բաբաջանյանը բացման խոսքում նախ շնորհավորեց Անկախության տոնը։
«Անշուշտ, անցած երեսուն տարիներին թույլ են տրվել բազմաթիվ սխալներ, արձանագրվել են հարյուրավոր թերություններ ու տապալումներ, դրանց արդյունքում մենք դեռևս չենք կերտել մեր երազած Հայաստանը։ Բայց բոլոր այդ թերությունները չեն ստվերել ու չեն արժեզրկել անկախ պետություն ունենալու մեր անօտարելի իրավունքը: Անկախությունը բացարձակ ու անքննելի իրավունք է»,- հավելեց նա։
Բաբաջանյանն ասաց՝ թավշյա հեղափոխությունը մեզ ընձեռել է ավելի լավ, ամուր, ավելի ժողովրդավարական երկիր կառուցելու եզակի պատմական հնարավորություն՝ ավելի ամրապնդելու 1991-ին հռչակած անկախությունը, և պետք է օգտագործենք այդ հնարավորությունը՝ պատմության և սերունդների առաջ կատարելով մեր բաժին պարտավորությունը:
Մանրամասները՝ տեսանյութում։
