Այն, ինչ գրվել է Սերժ Սարգսյանի համար այս իշխանությանը դուր է եկել, վայելում են. Էդմոն Մարուքյան. ՏԵՍԱՆՅՈՒԹ

2017 թվականին Վանաձորում նախատեսվել է, որ պետք է բացվի գազաբալոնների գործարան։ Հետո նույն բանը նաև 2018-ին է հայտարարվել է, որ 30 մլն դոլարի ներդրում է լինելու: Մեր քաղաքի համար դա կարող էր մոտավորապես «Քիմպրոմի» էֆեկտը տալ, բոլորս ուրախացել ենք, սպասել ենք այդ ներդրմանը: Այս մասին այսօր ԱԺ-ում լրագրողների հետ զրույցում ասաց «Լուսավոր Հայաստան» խմբակցության ղեկավար Էդմոն Մարուքյանը:

«Վարչապետը գնացել է, մասնակցել է բացմանը: Մեր պատգամավորը հարց է տալիս, թե բա ի՞նչ եղավ, վարչապետն ասում է, որ չի հիշում: Մենք հիշեցնում ենք, որ անգամ մեքենան է փորձարկել: Դրանից հետո երեկ armtimes.am-ը ասուլիս է հրավիրել և այդ ընթացքում վիրավորական արտահայտություններ են հնչել իմ ու մեր պատգամավորների հասցեին: Էս անմակարդակ պահվածքից արդեն հոգնել ենք, ներվեր չի մնացել»,- նշեց ԼՀԿ նախագահը:

Անդրադառնալով դիտարկմանը, թե ԿԳՄՍ նախարար Արայիկ Հարությունյանի հրաժարականը սկսել են պահանջել նաև ԲՀԿ-ն և այլ ուժեր, Մարուքյանն արձագանքեց, որ իրենք Արայիկ Հարությունյանի հրաժարականը նախաձեռնել են դեռևս հունիսին:

«ԱԺ-ում կա հարցապնդման ընթացակարգ, որն իշխող ուժը չի փոխել, որովհետև Սերժ Սարգսյանի համար գրվածն իրենց դուր է եկել: Հարցապնդման համար մոտ 90 օր գրավոր գործընթաց կա: Այդ ընթացքում նոր խնդիրներ են առաջացել, երբ մենք դիմել ենք, խնդիրների մի մասը չի եղել: Սա մեր նախաձեռնությունն է եղել»,- ասաց Էդմոն Մարուքյանը:

Մանրամասները՝ տեսանյութում: