06.11.2026 | 01:59
Եվրոպա լիգա. «Արարատ-Արմենիան» ցավալի պարտություն կրեց Պորտուգալիայում. ՏԵՍԱՆՅՈՒԹ
Տեղեկություն չունեմ. Արման Աբովյանը խմբակցության յոթ պատգամավորի՝ մանդատը վայր դնելու մասին. ՏԵՍԱՆՅՈՒԹ
Քաղաքականություն
18.09.2020 | 12:25
Ես էլ կարդացի այդ մասին հոդվածը և զարմացա, ոչ մի տեղեկություն չունեմ։ Այս մասին այսօր ԱԺ-ում լրագրողների հետ զրույցում ասաց ԲՀԿ խմբակցության պատգամավոր Արման Աբովյանը՝ անդրադառնալով խմբակցության յոթ պատգամավորի՝ մանդատը վայր դնելու մասին հրապարակումներին:
Անդրադառնալով ՀՀ վարչապետ Նիկոլ Փաշինյանի՝ Գագիկ Ծառուկյանի վերաբերյալ հայտարարությանը, թե «ինչի Գագիկ Ծառուկյանը գրել գիտի՞», Աբովյանը նշեց. «Թույլ տվեք անհեթեթ հայտարարությունները չմեկնաբանել… Թե՛ վարչապետը, թե՛ իշխանությունները չունեն ԲՀԿ-ի բարձրաձայնած խնդիրների առարկայական պատասխանները: Այսօր տեսնում ենք այն, ինչ տեսնում ենք՝ քաղաքական դիսկուրսը վերածվել է անհեթեթության»:
Դիտարկմանը, որ իշխող ուժից պնդում են, թե ԲՀԿ-ում կան հոգեկան խնդիրներ ունեցողներ, Աբովյանն արձագանքեց, որ իշխող ուժի վերաբերյալ հարցերը պետք է ուղղել իշխող ուժին: Նա նաև ընդգծեց, որ քաղաքականությունը պետք է մնա քաղաքականություն, չպետք է անցնել անձնական կամ վիրավորանքների դաշտ:
Մանրամասները՝ տեսանյութում:
