10.06.2026 | 11:17
805 անձի ՀՀ քաղաքացիության տրամադրումը մերժվել է․ ՏԵՍԱՆՅՈՒԹ
ԶՈւ-ում մահացած զինծառայողների ընտանիքները ևս կօգտվեն անվճար փաստաբանական ծառայությունից․ ԱԺ-ն ընդունեց նախագիծը
Քաղաքականություն
17.09.2020 | 12:35
Ազգային ժողովը երկրորդ ընթերցմամբ և ամբողջությամբ ընդունեց «Բարգավաճ Հայաստան» խմբակցության պատգամավորներ Նաիրա Զոհրաբյանի և Շաքե Իսայանի կողմից ներկայացրած օրենքի նախագիծը, որով սահմանվում է, որ զինվորական ծառայության հետ պատճառական կապով զոհված (մահացած) զինծառայողի ընտանիքի անդամները ևս կկարողանան օգտվել հանրային պաշտպանի գրասենյակի անվճար ծառայություններից:
«Փաստաբանության մասին» օրենքում փոփոխություն կատարելու մասին օրենքի նախագիծը ստացավ 120 կողմ, 1 ձեռնպահ ձայներ: Այսպիսով սահմանվում է, որ Հանրային պաշտպանի գրասենյակի անվճար իրավաբանական ծառայություններից կօգտվեն սահմանված կարգով հաստատված զինվորական ծառայության հետ պատճառական կապով զոհված, մահացած զինծառայողի ընտանիքի անդամները:
