17.09.2026 | 22:43
Ռիչարդ Կիրակոսյանը Ստամբուլում հոսպիտալացվել է
Եթե ՍԴ-ն որևէ իրավադրույթ ճանաչել է հակասահմանադրական, իր խոսքը պետք է ասի նաև ԱԺ-ն. Խունդկարյան. ՏԵՍԱՆՅՈՒԹ
Քաղաքականություն
14.09.2020 | 11:48
Մեկնարկել է Ազգային ժողովի 7-րդ գումարման 5-րդ նստաշրջանի հերթական նիստը։ Քննարկվում է ՍԴ դատավորների թեկնածուների ընտրության հարցը: Դատավորների ընդհանուր ժողովը ՍԴ դատավորի պաշտոնում առաջադրել է Երվանդ Խունդկարյանի թեկնածությունը:
Խունդկարյանն իր ելույթում կարևորեց Դատավորների ընդհանուր ժողովի մասնակցությունը ՍԴ կազմավորման գործընթացին՝ նշելով. «Սահմանադրական դատարանը, լինելով դատական իշխանության կրողը, այդ իշխանության մի մասնիկը, օրգանական սերտ կապի մեջ պետք է գտնվի այդ իշխանությունը կրող մյուս սուբյեկտների հետ: Դատական իշխանության մասնակցությունը կարևորում եմ նաև ՍԴ գործունեության արդյունավետությունը բարձրացնելու առումով»:
«ՍԴ-ն 4-րդ դատական ատյան չէ և չպետք է հեղինակազրկի դատական իշխանության մյուս սուբյեկտներին»,- իր ելույթում հայտարարեց ՍԴ դատավորի թեկնածուն:
Երվանդ Խունդկարյանի խոսքով՝ ՍԴ-ն պետք է լիազորված լինի սահմանադրական նորմերը ինքնուրույն մեկնաբանելու․ «ՍԴ որոշումները կարծրացած երևույթներ չեն և կարող են փոփոխվել: Սահմանադրության դրույթը փոխելու լիազորության դեպքում կկանխվի Սահմանադրության հաճախակի փոփոխությունը»:
«Եթե ՍԴ-ն որևէ իրավադրույթ ճանաչել է հակասահմանադրական, իր խոսքը պետք է ասի նաև ԱԺ-ն` որպես ժողովրդի կողմից առաջնային մանդատ ունեցող մարմին»,- ընդգծեց Երվանդ Խունդկարյանը:
Մանրամասները՝ տեսանյութում:
