16.03.2026 | 10:53
Սյունիքի նախկին մարզպետը դատի է տվել ՔՊ-ական Արմեն Խաչատրյանին` ֆեյսբուքյան գրառման համար․ նա 1 մլն դրամ է պահանջում
ՍԴ դատավորների շուրջ շեքսպիրյան կրքեր են բորբոքվում․ ԲՀԿ-ն չի մասնակցի ՍԴ դատավորի ընտրությանը. ՏԵՍԱՆՅՈՒԹ
Քաղաքականություն
14.09.2020 | 10:52
ԲՀԿ-ն չի մասնակցելու ՍԴ դատավորների ընտրությանը: Այս մասին այսօր՝ սեպտեմբերի 14-ին ԱԺ-ում հայտարարեց ԲՀԿ խմբակցության պատգամավոր Նաիրա Զոհրաբյանը:
«Բազմիցս ասել ենք, որ այստեղ խախտված են հստակ ընթացակարգեր»,- նշեց պատգամավորը՝ ընդգծելով, որ ՍԴ դատավորի թեկնածուները չեն հանդիպել խմբակցությունների հետ:
«Կա պառլամենտական քաղաքական մշակույթ, որ ներկայացնող սուբյեկտը և նաև թեկնածուները պետք է շահագրգիռ լինեն խորհրդարանում ներկայացված ոչ միայն մեծամասնության, այլև փոքրամասնությունը ներկայացնող խմբակցությունների հետ ու պատասխանել հարցերին: Բայց քանի որ այս ամիսների ընթացքում մենք տեսանք, որ ՍԴ դատավորների թեկնածուների շուրջ շեքսպիրյան կրքեր են բորբոքվում նույն խմբակցության ներսում, որ շեքսպիրյան ժամանակների արքունիքը գլուխը պատին է տվել ներքին խարդավանքների, ներքին հոսանքների շուրջ, այս մարդիկ հասկացել են, որ այդ խնդիրները որոշվում են այստեղ, ուստի հանդիպել երկու այլ խմբակցությունների հետ՝ իրենք համարել են բացարձակապես աննպատակահարմար: Սա ես համարում եմ հետընթաց»,- նշեց Նաիրա Զոհրաբյանը։
Նա հավելեց՝ նախկինում չի եղել դեպք, որ իրենք գնան խնդրեն թեկնածուին հանդիպել իրենց հետ:
Մանրամասները՝ տեսանյութում:
